Member-only story
文翠珊副手辭職 時間完全係要避開首相答問俾人窒？
2 min readDec 21, 2017
21 December, 2017
倫敦 — 文翠珊實際上嘅副手，首席國務卿祈達文週三晚宣布辭職，導致文翠珊二次內閣，未夠一年已經失去三位首長。
由於職位並非必須任命，文翠珊未必會再任命首席國務卿，但其職位掌管多個政府委員會，最終政府運作如何受影響尚未明朗。早前有傳文翠珊打算請前外相夏偉林勳爵回鍋，但被對方拒絕。
而祈達文辭職時機，明顯受文翠珊左右。文係週三晚8點39分，國會大部分議事幾乎結束先公布，下一次首相答問要到明年1月8日，明顯文翠珊係要避開任何議員提問。
而信件先係文翠珊致信祈達文，告知內閣府調查結果，表示佢無法達到「宮廷大臣」嘅「高操守標準」，然後到祈達文交辭職信。而文翠珊係自己嘅信件都表示，兩名前警察無盡偵查不公開嘅責任。
祈達文早前被爆多宗性醜聞指控，包括摸電台主持嘅膝頭，以及國會電腦有「極端色情電影」。
