德餐廳橫跨兩邦 喂鴨要係指定一邊 唔係會犯法？ (附送趣味讀者回應)

Originally published at 寰雨膠事錄 Gaus.ee.

烏城 — 當地市郊有間餐廳，匝係邦界之上，因此餐廳有好多離奇狀況。

當地本來屬於獨立嘅帝國城市武市 Ulm。但拿破崙戰爭後疆界大亂，城市被一分為二，呢段大致沿多瑙河為界：武市屬於滑敦壁王國，今日就係巴登滑敦壁邦，新武市則在拜仁境內。

因此一條多瑙河兩邊就會出現好多有趣情境。例如巴登滑敦壁邦跟隨歐盟規則，唔准喂水鳥，但拜仁邦無跟，因此喂鴨一定要係拜仁果邊做。

但其他嘢，除咗警察唔能夠帶武器跨界以外，基本上食客都無大問題，而且仲係打卡勝地，餐廳有塊壁畫，話清楚邊界係邊度，仲有地面都有邊界標示。

世界報

更有趣嘅讀者回應

呢啲「黐住條線咁黐線」嘅嘢，內華達賭業好識利用：

羅省去拉維條路，喺正州界起賭場搶生意，好正常吖！點知內華達有賭場無彩票，所以有人喺州界加州一側起咗間便利店，成為全加州銷售彩票冠軍！每次跨州彩票累積過億，成個拉斯維加斯啲人就會揸三四十哩來加州買！

電視台採訪，排隊一定排返內州！

因為有咖啡賣，加州「成班爛癲佬縣」衛生局要揸來回百幾二百哩來檢查，我真係見過佢張貼嘅衛生評分字母。

住喺李糯嘅人，想買彩票，就要來呢間賭場⋯⋯後院嘅舖頭：

李糯咁凍，梗係室內排隊，間舖嘅入口同大堂都喺內州：