呢個世界邊有咁多「自由獎」？

最近睇新聞真係覺得世界真美妙，失驚無神多左好多「自由獎」，而且特別多係英倫三島(*)。是日見到標題圖片呢篇仲神奇，又「自由獎」又「自由公民」，睇到大家莫名其妙。

但睇返英文，「freedom」 of a city，真係笑死。原來係榮譽市民。神奇嘅係有啲死者認屍級 便媒 #merdia，竟然無錯，可能加拿大分版仲有啲老一輩係度掛。

驟眼看Google 啲搜尋結果，台灣好多(平均智商30嘅)記者都係寫「自由獎」，被cap圖嘅便媒，唔知係編輯腦部退化到要照抄台灣，定望文生義，要honorary citizen 先叫「榮譽市民」，就等其他人問啦。

但好多英倫地方，甚至美加澳紐有啲泥古地方，係守舊中意用「freedom」黎叫「榮譽市民」，簡單黎講，係出入城市嘅「自由」。

古代城牆係防禦設施，唔係亂入，以都柏林為例，經市內行業公會同意，一唔係俾錢「買自由」，或者你係到訪嘅貴客，就會自動「得到自由」。

點講今日大家都可以自由出入都柏林 (除非你的護照要簽證)，點樣解「自由獎」都係奇呢，根本同爭取自由無關。再講多個倫敦金融城「榮譽市民」嘅特權，就係係倫敦橋上面放羊，呢個又同爭取自由有關？

某倫敦金融城榮譽市民行使權利中

(*) 英國政客社運人等就固然成日自由口邊掛，固然法制係好，但成日有 paranoy ，國民性格黎

Originally published at 寰雨膠事錄 Gaus.ee.