中文傳媒又「霉根」又「塞啲黑絲」入去 大家係時候做啲嘢

用得50 Shades，你知篇文保證重口味

呢篇係罕有嘅免費文，因為大家係時候做啲嘢。

香港嘅各大垃圾抄報從「(屎)忽吉你牙」，到而家「霉根」嫁俾哈利，做咗「塞啲黑絲」公爵，其實一路用呢種強國譯名，無視廣東話發音，搞到我地不知所以然。

大家會唔會覺得火，我真係唔知，但部分抄報，都可能聽下人話。因為有傳一份抄報，唔知係唔係我地啊，或者林忌甚至佢自己啲專欄作家都x到飛起，下下「(屎)忽吉你牙」、「馬殺豬菜」啊，打打殺殺，有吉屎忽，竟然肯改。更加有佢地好似某啲部門有紙仔係台頭，要改返「麻省」或者「維珍尼亞」等等。

所以似乎有人都係面皮薄。所以不妨咁樣，如果你真係要share抄報，我都無所謂，但麻煩你記住係佢地啲垃圾post 下邊 comment，佢地啲垃圾譯名，有咁核突得咁核突。

核突範例

• 弗吉尼亞， 屎忽吉你牙
• 馬薩諸塞，馬殺豬菜啊
• 梅根，你男朋友條J發霉啊
• 薩塞克斯，又殺又塞死嘅黑絲，咁L暴力嘅
• 凱蒂，凱旋嘅陰蒂，你地啲傳媒咁L邪淫嘅
• 馬哈蒂爾，要隻馬噴你嘅陰蒂啊，咁變態嘅
• (暫時林到咁多，有你地response 再建議啦)

當然你地已經覺得，抄報無嘢好救，其實我都覺得係嘎，不過有機會羞辱下佢，炒下花生，點解唔做。至於你話俾留言會資敵，無所謂啦，Facebook啲reach 差到咁，送幾個comment 唔會返1萬click 嘅。

都係呢句，最緊要自己開心。不過另外講明，邊個係我friend list，又share 抄報有呢啲垃圾譯名，一定毒舌你，加貼呢個post。唔鍾意啊？unfriend咯。