共和國第一夫人對外國女皇屈膝 違反禮儀？

(本文以廣東話書寫，呢單野明顯我自柒，但過程都值得寫下)

早排法國總統伉儷到訪丹麥，馬岡夫人見到女皇瑪嘉烈二世，竟然行屈膝禮 curtsey，睇到眼都突。

照計總統同皇帝同級，一般禮儀上總統夫人不會對外國元首行屈膝。而且法國都算天朝大國，照計呢種失禮，如果有問題，媒體梗係唔會放過。

但事實係法國傳媒無人講，丹麥傳媒就更加覺得沒問題，所以到我自己覺得有問題，就開始問共和國第一夫人對外國女皇屈膝，有無違反禮儀？

首先林到嘅，梗係事頭婆，佢年終見唔少人，2012年登基金禧，自然最好睇曬所有君主。但除咗摩納哥王妃，係對佢行大禮之外，其他皇后皇妃都無。

似乎解釋唔難，因為摩納哥係親王，所以比女王又低一級，但調返轉頭英女王又唔會對美智子皇后行禮，雖然日本天皇嘅title 又高一級。

但值得留意嘅係，盧森堡大公夫人，或者一啲皇后，因為事頭婆身高問題，要「局住」行屈膝禮，當然係因為要同事頭婆 kiss kiss，皇室人員似乎無辦法唔優雅地舉動，咁唯有屈膝黎就事頭婆嘅高度。

但再搵 Archive，竟然發現有呢一幕，就係法國前總統希拉克嘅夫人，竟然對過事頭婆 curtsey。而且係唔止一次，係兩次，所以似乎唔係失禮。